Honey先輩，好可愛的聲音。

兩張相比較

呢次畫展嘗試用阿仔部 Canon 60D，但都係未摸到點樣調較，因為場內每隔一段距離就有射燈，所以有好多陰影位，問題就嚟，點至可以映到人夠光，而背面嘅畫又夠光？好多都係就得人嚟又到啲畫爆晒光，相反的就得畫嚟又輪到人又太暗，而聽細仔嘅說話係，要用外置閃燈，要用柔光罩，噢~~~算把喇！

以下兩張相的比較：

呢張係我用Canon 60D，荒死佢唔夠光，光圈攞到最盡，後期亦有用執相軟件執過光暗，當然呢種軟件冇 photoshop咁萬能，但咁又變成雲的部份唔夠立體，整張相就全無立體感。

呢張係細仔用FUJI- S100FS，佢通常光圈唔會攞到盡，完全冇執過之下，雖然畫面稍暗，但又多咗立體感。

我始終認為唔係靠自己技術，而靠 photoshop至靚嘅相，係完全冇滿足感。

篆刻

針對噚日 Gloria 對印章的疑問，現粗略的講一下，印章上字體大都用篆書，篆刻是刻印印章的一種， 所以篆刻泛指一切雕琢技法，另外又按照印文的凹凸，分為朱文印和白文印。
用同樣一個“燕”字示範，字體在形狀上雖然有少許不同，但因為以美觀為原則去改變，並不會影響字的意思。

朱文印


白文印

謝謝各位支持~

謝謝各位支持這個畫展，睇完今次畫展就自覺我嘅畫係拘謹有餘，寫意不足，咁都拎嚟展覽實在自慚形穢。

今日會長叫我畫工筆人物，我都未學過，邊識得畫呀，而且膚色應該用乜嘢色都未知，老實講，睇見佢哋啲工筆就…………唉…………比著以前工筆畫老師一定會話：“線條唔得，再鈎過另一張。”又或者話：“未夠色，繼續做。”當時我哋會問：“點至夠色呀，老師？”然後，如果時間上實在太趕的話，老師會即席用較深嘅顏色示範，但我哋就不可能似佢咁用咁深色，因為顏色會推唔開，推唔開就做唔到漸變嘅效果，講下講下又勾起畫工筆嘅興趣，但鈎線方面已經不復當年勇喇！

懷舊香港情─電視

懷舊香港情─吊扇

加~~~加~~~加~~~

放學後去裱畫時同老細傾咗一陣，不外乎都係紙又漲價喇，而且係出得起錢都買唔到嗰種添呀，下一水紙最少會貴45巴仙，慘~~~

紙又加，筆又加，何解？咪就係啲人而家有錢喇，呢啲要三更五更早起去高山砍伐原材料，又辛苦又搵唔到大錢嘅工，慳啲啦，即使有材料，又輪到冇人入行學造紙，原來造紙又係體力活，即使落咗 order 都係得個吉，佢話冇貨你又可以點，除非搵個人企喺廠門口等，咁至可以買到三兩刀紙，有啲仲反轉頭買返日本嘅靚紙，靚紙咪又係 made in China。

由兩年前 $65半刀，到而家 $160 半刀，我係咪都要買返啲嚟保值？

仿明 藍瑛 青綠山水圖

學畫後遺症

自從學畫之後總是傻傻的望住枯枝，有時又傻傻的望住天上白雲，然後腦裏就想，點至可以畫得自然？

歲寒三友(老師批改前後)

老師批改前

老師批改後

(老師批改前)

松石圖(老師批改前後)

松石圖(老師批改前)

松石圖，老師加咗淡淡石綠色，即刻靚得多。

仔仔百事可樂Q版車

我的女神

“我的女神”配樂裏其中一首比較喜歡的，唔駛聽台詞，只聽音樂就好，最喜歡嗰首仍然找尋中。

成也蕭河，敗也蕭河。

正如中國喺北京奧運開幕禮時標榜的四大發明，世界得以發展，廿世紀開放後的中國，經濟是起飛了，隨之而來的毒奶、過量添加劑的食物、污染的水源、地球暖化的速度等等這些過度開發兼埋沒良心的惡果飛快的來到眼前，人們不擇手段的賺錢，眼都唔眨一下喺短短幾日嘅復活節豪花百萬，既然百萬唔係錢倒不如捐去窮鄉僻壤做救濟啦，攬捕鯊魚咩，冇華人呢市場就唔會有捕鯊魚呢個行業，地球已經在叫救命了，地球毀滅，指日可待。

又失學了~

喺香港搞藝術真的好難生存，清明放假後收到信件說老師上堂的課室又沒了，只因單位裝修時出問題，本來一心用以教學用途的課室，業主現在以心灰意冷而退場，今天接到師兄電話，課程會於五月在一個中心重開，但本來兩班的現在縮為一班。

上星期心血來潮計算一下老師的工資，我們班七個同學，7x500 = $3500，但租用課室用去 $1000，老師只餘 $2500，但不要忘記這是十堂的收入了啊，唉~老師難為啊！以賣畫為生嗎？一個月要賣多少張畫才可生存？

存喺手機 n 日的照片

農曆年去契媽家拜年時見到炮杖花開喺樹頂，炮杖花本係攀蕂植物，怎會有咁壯的樹身？原來係佢沿住榕樹嘅氣根一直往上生長。


周圍嘅木棉都開非常燦爛，但公園呢兩棵就只得小花三幾朶，唔通公園嘅泥土唔夠肥沃？

玉蘭，只係隔咗一星期左右，花朶己開到荼靡。

老師仳改前後的功課

老師仳改前的山水圖

老師仳改後的山水圖

老師仳改前的梅花

老師仳改後的梅花

玉蘭

好日都唔經公園呢個門口，今日經過見到像枯枝樣的樹上有紫色花朵，玉蘭呀！即刻驚叫，原來佢嘅花苞真係有絨毛架，自從學畫後，比以前留意啲花呀樹呀等等嘅形態，唔怪得老師成日叫我哋寫生。

“ 隨心”

我要說明並唔係畫得唔開心，反之係畫得非常開心，只係喺工筆山水同寫意山水之間徘徊，一向喜歡古畫，今次亦係臨古畫，但畫完之後自覺只係一張 copy出嚟嘅版本，完全沒神，睇到師姐們嘅自創就更無地自容，心諗一張 copy版本怎可以拎出嚟見人，噚日請教老師，佢話我呢張畫包括構圖、皴法都係copy古畫，完全冇個人創作亦冇光位，離開圖片就一事無成，對，真係一針見血，心立即跌到谷底，佢嘅意思係多寫生，但我畫唔到老師嘅寫意，我亦非常喜歡師兄嘅潑彩潑墨，雖然有嘗試，但唔自然，有時會諗係咪同死板嘅性格有關？師姐就話好喜歡我畫裏面嘅仔細，但我就鍾意師姐嘅寫意，於是，亞四嘅一句“ 隨心”點醒我，亦即如師兄講嘅“只要自己鍾意就好”。

明天又要當值，展覽期後日係最後一日，轉吓眼又個幾星期，真快~

新年快樂！