謝謝各位支持~

謝謝各位支持這個畫展，睇完今次畫展就自覺我嘅畫係拘謹有餘，寫意不足，咁都拎嚟展覽實在自慚形穢。

今日會長叫我畫工筆人物，我都未學過，邊識得畫呀，而且膚色應該用乜嘢色都未知，老實講，睇見佢哋啲工筆就…………唉…………比著以前工筆畫老師一定會話：“線條唔得，再鈎過另一張。”又或者話：“未夠色，繼續做。”當時我哋會問：“點至夠色呀，老師？”然後，如果時間上實在太趕的話，老師會即席用較深嘅顏色示範，但我哋就不可能似佢咁用咁深色，因為顏色會推唔開，推唔開就做唔到漸變嘅效果，講下講下又勾起畫工筆嘅興趣，但鈎線方面已經不復當年勇喇！