Cloudy

2011年3月20日星期日

存喺手機 n 日的照片

農曆年去契媽家拜年時見到炮杖花開喺樹頂，炮杖花本係攀蕂植物，怎會有咁壯的樹身？原來係佢沿住榕樹嘅氣根一直往上生長。

周圍嘅木棉都開非常燦爛，但公園呢兩棵就只得小花三幾朶，唔通公園嘅泥土唔夠肥沃？

玉蘭，只係隔咗一星期左右，花朶己開到荼靡。

2011年3月8日星期二

2011年2月23日星期三

玉蘭

好日都唔經公園呢個門口，今日經過見到像枯枝樣的樹上有紫色花朵，玉蘭呀！即刻驚叫，原來佢嘅花苞真係有絨毛架，自從學畫後，比以前留意啲花呀樹呀等等嘅形態，唔怪得老師成日叫我哋寫生。

2011年2月8日星期二

我要說明並唔係畫得唔開心，反之係畫得非常開心，只係喺工筆山水同寫意山水之間徘徊，一向喜歡古畫，今次亦係臨古畫，但畫完之後自覺只係一張 copy出嚟嘅版本，完全沒神，睇到師姐們嘅自創就更無地自容，心諗一張 copy版本怎可以拎出嚟見人，噚日請教老師，佢話我呢張畫包括構圖、皴法都係copy古畫，完全冇個人創作亦冇光位，離開圖片就一事無成，對，真係一針見血，心立即跌到谷底，佢嘅意思係多寫生，但我畫唔到老師嘅寫意，我亦非常喜歡師兄嘅潑彩潑墨，雖然有嘗試，但唔自然，有時會諗係咪同死板嘅性格有關？師姐就話好喜歡我畫裏面嘅仔細，但我就鍾意師姐嘅寫意，於是，亞四嘅一句“ 隨心”點醒我，亦即如師兄講嘅“只要自己鍾意就好”。

明天又要當值，展覽期後日係最後一日，轉吓眼又個幾星期，真快~

2011年2月2日星期三

新年快樂！

辛卯春頌書畫展

老師張玉麟─山水

李國譽─山水

李國譽─白居易詩

陳社渠─沖破萬重山

郭燕珍─花鳥

陳玉華─梅、蘭、菊、竹

小女子的臨前人山水

7 仔吊飾？？

實在太多無處安放

放大圖

2011年2月1日星期二

人工飼養和半野化的分別

幾個月大的小熊貓，學阿仔話齋跟小狗沒兩樣，冇法，人工飼養就係冇晒野性，佢啲眼神幾純真，完全冇野獸嘅警覺性，連爬上木馬都唔敢。

同樣係幾個月大的半野化的小熊貓，不單已經懂得爬樹，仲可以喺樹上睡覺 tim~

圖片來源：http://blog.sina.com.cn/xiongmao
和
http://blog.sina.com.cn/wlpandayard

2011年1月25日星期二

擬王原祁山水(裝裱後)

辛卯春頌書畫展

日期：2011/01/28-2011/02/10

地點：灣仔集成中心

2011年1月9日星期日

又敗家，7 仔吊飾

手電又多一個吊飾，呢架車仔係叫阿仔買，都係幾十蚊，費事儲喇~~其實今次 7 仔幾個別注版都係立體製作，真係幾靚。

2011年1月2日星期日

擬王原祁山水(未完成)

畫咗幾星期，山石仍然係我嘅弱項，遠山未能分出左、右部份，屋仔唔夠自然，水中倒影化唔開，應深嘅唔夠深，應淺嘅又太深，今次樹木部份亦畫得唔好，楊柳唔知應該用乜嘢色，算，留返俾老師修改。

2010年12月31日星期五

之前嗰部太公級嘅電腦實在太耐用，如果唔係嫌佢太慢，都唔會換，新腦終於都返家，由裏到外都全部煥然一新，唔新都唔得，連隻牛都用唔返，而且新呢部比舊嗰部輕太多，但學電腦仔話齋，新一代零件只追求快，唔好諗住會耐用，前兩日用阿仔部手提，成日打過隔離，都係用返大keyboard 打字好打得多。

PS：今日俾電腦舖個新仔叫我婆婆，哈~~~~~~

2010年12月30日星期四

祝大家身體健康!

2010年12月24日星期五

同阿仔嘅對話

我：M係咪全手動？點解快門最細係0"3，點較/1/160秒呀？
阿仔：咪手動去轉囉。
我：但0"3之後又去返整數囉喎。
阿仔：(阿仔示範)1/8000都得呀。
我：咦，整數就係？咁個分一去咗邊？
阿仔：冇架喇。
我：但朦喎，唔通我手震？
阿仔：咁用腳架，唔夠光都會朦。
我：但光圈已經最大囉喎。
阿仔：光圈大唔代表一定夠。
我：乜唔係架咩？
阿仔：要用閃燈。
我：我就係唔想用閃燈。(突然諗起映樓打晒燈用晒反光板至夠，哦~~~~係喎)

人老咗學樣樣都慢。