實驗品

今次廖太慶生地點喺中環，但都早少少出門先去工展會，為嘅唔係買平嘢，當然係試相機啦，雖然年年如是冇乜好映，但反正一場嚟到，遺憾嘅係忘了順便去時代等等映聖誕燈飾。

維多利亞女皇銅像，大鄉里出城咁乜都映一餐，但呢個銅像又真係嚟親都唔會映囉~

整個展會唯一有小小特色嘅攤檔。

香港創意工業其中一項作品，好可愛嘅圖案，稍嫌美中不足係大部份都係膠製品。

坐叮叮落中環路經鵝頸橋，原來未到驚蟄都有呢類攤檔，算唔算小販呢？

由細食到大嘅齋舖“東方小祇園”，前兩年聽契哥講話呢間舖已經冇咗，但而家見到燈光火著嘅招牌，捱得住嘅~