祝大家身體健康!

同阿仔嘅對話

我：M係咪全手動？點解快門最細係0"3，點較/1/160秒呀？
阿仔：咪手動去轉囉。
我：但0"3之後又去返整數囉喎。
阿仔：(阿仔示範)1/8000都得呀。
我：咦，整數就係？咁個分一去咗邊？
阿仔：冇架喇。
我：但朦喎，唔通我手震？
阿仔：咁用腳架，唔夠光都會朦。
我：但光圈已經最大囉喎。
阿仔：光圈大唔代表一定夠。
我：乜唔係架咩？
阿仔：要用閃燈。
我：我就係唔想用閃燈。(突然諗起映樓打晒燈用晒反光板至夠，哦~~~~係喎)

人老咗學樣樣都慢。

聖誕快樂~~

用阿仔之前去主題公園映嘅一張相，祝大家聖誕快樂~~

努力中

老師建議我摹擬四王嘅畫，剛啱我又只有呢張稿，喺我嚟講算係大工程，暫時只有近距離部份暫且完工，其餘全部未得，仲有遠山連稿都未畫，整張墨色完成後還要上顏色，所以有排啊，好複雜啊老師！

3 °C？？OMG~~~

今朝只得 3 °C，還好陽光普照，溫度回升，但一屋細菌人，我都係攬住暖水袋穩陣啲。


“養兒一百歲，長憂九十年”，噚日咁凍阿仔都唔戴頸巾，今朝都唔知有冇戴，話極唔聽，終於夜晚返嚟就出事，激死人~

好凍啊！

正午都只係得 7 °C，今晚點算，難為北方零下幾十度呀！

資料來源：香港天文台

http://www.hko.gov.hk/contentc.htm

實驗品

今次廖太慶生地點喺中環，但都早少少出門先去工展會，為嘅唔係買平嘢，當然係試相機啦，雖然年年如是冇乜好映，但反正一場嚟到，遺憾嘅係忘了順便去時代等等映聖誕燈飾。

維多利亞女皇銅像，大鄉里出城咁乜都映一餐，但呢個銅像又真係嚟親都唔會映囉~

整個展會唯一有小小特色嘅攤檔。

香港創意工業其中一項作品，好可愛嘅圖案，稍嫌美中不足係大部份都係膠製品。

坐叮叮落中環路經鵝頸橋，原來未到驚蟄都有呢類攤檔，算唔算小販呢？

由細食到大嘅齋舖“東方小祇園”，前兩年聽契哥講話呢間舖已經冇咗，但而家見到燈光火著嘅招牌，捱得住嘅~

7-11 又有新搞作

首次收穫

單反深淵

阿仔試新機，今次係跌咗入另一敗家深淵─單反，我當然唔放過又拎嚟試啦！

睡蓮，果然同咭片機好唔同，起碼睇到花絲。

蝴蝶，呢個更加唔駛多講，機仔唔駛指意映得咁立體，唔信？兩張都係我揸機嘅比較：
單反機

咭片機

濕地公園教學篇

稻 ──估唔到而家要喺公園至見到稻，以前新界一望無際都係稻田嘅景觀已經一去不復再。

殘荷──令我諗起之前睇過吳冠中畫展，其中嘅“殘荷”，原來荷花即使枯萎亦只有頂部會垂下，枝桿仍然畢直向上，難怪佢用嚟形容不屈不朽、堅毅向上精神。

以下都係從來未見過嘅植物。

燈心草

茭白荀

馬蹄

枸杞

西洋菜

擬明唐寅山水

因原作圖片睇唔清楚，所以我畫呢一張嗰陣己經簡化咗，但畫嘅時候都畫到死吓死吓，畫完後再睇返又覺得似幼稚園功課，老師叫我唔好畫“唐寅”嘅畫，可能係我未夠班掛，佢話我會畫得好辛苦，但我畫呢張嗰陣我樂在其中喎，老師叫我摹擬清朝“四王”嘅畫，前幾日摹擬“王時敏”嘅畫，仲死多幾錢重，老師，我畫啲A3 size 嘅就 OK 啫 ，“四王”嘅畫大多係大畫，好難兼顧啊！

清明上河圖電子動態版

晨早十點第一場，原來落車後到展館入口都有好長一段路，還好我哋早咗好多去到，而且因契媽以輪椅代步，所以又可以唔駛跟大隊，用另一個入口，仲可以優先入場，於是就有以下照片嘅畫面，任我點映都得~~~

未夠鐘入場時，回望排隊人流已覺好多人，但原來都末有五分一，入場後還陸續有來，一場觀眾會有三千，到後半段時間就覺展館內空氣唔係咁好。

因為有走豬呢一段，所以最多人圍觀嘅係虹橋，但我錯失漕船過橋底呢一幕。

罕有地帶兩個相機，CANON & 阿仔嘅RICOH GX100，貪佢係 24 WIDE，又因自己呢個只得一GB，轉吓眼咭就已滿，阿仔嘅又唔係咁識用，忽發奇想，將佢部機嘅HC SD咭放喺我部機，初時怕我部機太舊支援唔到，但又得喎，哈~~搞掂~~

清明上河圖電子動態版短片

追豬小孩

小心火燭

騾和小孩

日間搖櫓

夜間漕船上歌舞

駱駝商隊

整理相簿後感

剛整理了相簿的權限，原來 07 年是我外遊最多的一年，相繼有正月到盤龍峽三天、五月到北海道+大阪九天、八月到台北五天、十一月到廣州探七叔，順便到烈士陵園的一天，還未算本地的大澳、赤柱(謝謝亞四相陪)、、山頂(謝謝亞四相陪)、、長沙灣北九龍裁判署(謝謝亞四相陪)、海防博物館(謝謝亞四相陪)、花展、濕地公園等等，這個 07 年真算多采多姿，08 年好歹也去過北京和澳門，09 年無論是本地還是外地，一概欠奉，今年，只勉強到過台北和清遠，前些時候阿仔整理他的玩具時，我想我的旅行喼以後用的機會是微乎其微，於是順便讓他安放他的 lego 大人仔 ，這個大人仔體積一點都不小，喼小一點不行，人仔大一點也不行，就剛剛夠安放在喼裏，總好過吉喼一個沒用處。

bread aubrey

擬師兄作品

師兄作品“月暗籠輕雪”，想畫要做底色嘅山水畫好耐，實在太鍾意師兄呢張畫，上星期借咗返嚟照住畫。

我的，化到七彩，本來要留嘅光位全部被掩蓋，月光又唔夠圓，失敗之作，或者題字為“天狗食日”咁就貼切喇！55555~~~再畫過。

擬明 仇英 楓溪垂釣圖軸(批改前後)

非常的不自量力地拎起大師畫作嘅圖片就試畫，原作非常非常複雜，我畫唔到，又想試畫船仔，喺我改頭換面下於是變成現今模樣，但亦畫得唔好，石頭唔得、樹唔得、人仔更唔得，但畫嘅過程好開心，上課至知原來呢種就係我一直想畫嘅工筆山水，難怪~所以，最緊要開心~鍾意點畫就點畫啦！
老師因為唔係工筆出身，所以只係口頭叫我如何改動，但我話唔緊要，拜託佢改一下下方嘅石頭，心諗反正呢張只係功課，遲早都係益垃圾箱。
老師批改前

老師批改後

“撞墨”批改前後

一張“撞墨”嘅實習作，上一堂老師教完後回家就試，但撞出來嘅效果完全唔係嗰回事，墨化唔開，撞完墨後落石綠時又怕唔夠，落完一次又一次，石綠化唔開時又嘗試用撞墨嘅方法去化開顏色，原來呢種就叫“撞彩”，最後老師話太綠喇，但點解墨會唔化呢，原來墨唔夠濃，紙亦有少少關係，一於姓賴。

老師問：想大改定少改？
我答：有得大改梗係大改啦。
“撞墨”批改前

“撞墨”批改後，即刻立體晒~

臨摹和創作的問題

以下文字都屬拾人牙慧，紅色字體為論壇裏爭吵的問題：
中國畫為什麼要承傳，如何承傳？
通過臨摹學習了不少大家之精髓，30臨摹、40臨摹。50還臨摹？那麼如何才能創作出美好呢？學習他們繪畫的什麼？當年他們的繪畫技法又從哪來的呢？

臨摹是學習古人、前輩們的繪畫技法，先掌握技法這東西，連臨摹的技法也掌握不好，又如何創作呢，寫生是繪畫的基礎和靈魂，像我這些業餘愛好者，沒有一點寫生基礎，怎麼去寫生呢？在論壇看了整整十五頁的討論，然後得出自己的結論 ：
如何承傳？ 因為我不具備那個智慧，所以自動忽略。
學習他們繪畫的什麼？不知道，只知道畫得開心就好。
當年他們的繪畫技法又從哪來的呢？ 不知道，只知道臨摹得相似又畫得開心就好。

只是憑興趣畫畫當做休閒娛樂的我，根本沒有成名的想法，臨摹也好，寫生也好，半臨摹半創作也好，覺得怎麼開心怎麼畫，開心就好。

紀念張大千誕辰111週年學術研討會暨藝術精品展─藝術精品類 II