Cloudy

今日去契媽家，佢話成日發夢以前啲人、事、物，我咪又係一樣成日懷舊？我話前幾日去西環，我問佢軒尼斯道舊居個大鐘，大家講起以前怎樣怎樣，而家有佢同我想當年，但如果佢都走埋又有邊個陪我懷舊？佢成日話點解仲唔死，佢唔要老人痴呆，我又何嘗想佢走？更何況佢而家冇病冇痛，但如果佢被病痛折磨我又於心不忍，佢走咗，又冇人陪我想當年，所以佢以前成日叫我生多一個，希望係女就有人陪我，就好似我而家陪佢咁，世事豈會盡如人意。