冇錯，又係大嶼山

不過今次係四個家庭，一行十二人，浩浩蕩蕩，行程緊密，約咗9：30喺東涌車站等，擾攘一輪決定買“大澳通”套票，$110 一位包單程䌫車+巴士當日任搭，約十一點去到大佛，先去心經簡林，1：20pm.坐 大澳巴士去“靈隱寺”食齋，呢條巴士線比較疏，一個鐘一班，所以一定要準時，“靈隱寺”食齋後再入大澳巡例走一圈，妹夫嘅妹夫大出血，我哋就空手而回，約五時離開，呢條線好啲，十五分鐘一班車，噚日可能遊人太多(手信街簡直插針唔入)仲有加班車添，又熱又開心嘅一日咁又玩完，勀C人啊！

360䌫車

喺䌫車上回望機場

喺䌫車上遠眺大佛

北大嶼山郊野公園，好多人行山，連小朋友都有啊！