自家製禮物袋

自家製禮物袋，因為搵唔到啱大細又啱心水嘅布袋，又諗可否用禮物紙做一個，點知樓下文具店冇我想要嘅禮物紙，買咗呢種比較硬嘅網狀包裝材料，絲帶原本係買嚟綁蝴蝶結，又因為網狀材料太硬，用雙面膠紙都唔掂，唯有用絲帶一味靠黐，終於做到袋形，但點封口呢？如果可以整個紐扣就好，靈機一觸諗起之前7仔嘅吊飾，搞掂。
至於 Connie 嗰個，因為唔係自家製，自動忽略。

其實今次禮物早於兩個月前就開始諗，見到阿仔砌俾女友嘅音樂盒，又係靈機一觸，女士們日常返工都有好多手飾，咁就不如整個 lego 盒仔啦，當然呢堆 lego 都係拆散咗嘅盒裝 lego，如果用嚟砌咗其他嘢咁就砌唔返原裝嗰副，但呢堆材料平時分類放好又唔係砌，實際上冇乜用，但如果要砌起嚟再買料又會好貴，總之就係“雞肋”一堆，雖然砌好盒仔，但最終都冇送俾廖太。