Cloudy

2010年10月8日星期五

彩濤畫會畫展

畫會的展覽昨日早上終於喺文化中心開動，登記的、上畫的、當然拉電燈線的由專人負責，大家分工合作，由9 點到11點多至將四十幾塊板上嘅畫搞定，開幕囉~

張玉麟老師─山水

吳培疆─魚

李淑英─貓

楊月媚─牡丹

陳社渠─士女

李國譽師兄─山水

柯世复─花鳥

小女子的，師兄話一睇就知有工筆底，冇法啦，學咗山水只有大半年，有好多唔識，唯有將學工筆時嘅認識套用喺畫上囉~

2010年10月5日星期二

2010年9月28日星期二

頑皮的大熊貓

臂力好利害噢~

真係嘆~

行平行木？

叫咗唔好玩得咁癲，小心啲架啦！

help………

小心小心，樹枝好幼，承你唔起架！

爭乜嘢呢，點解要咁多只爭呢棵樹呀？

疊羅漢？

2010年9月27日星期一

觀音白描

幾個月冇練白描，手仍然有些抖，呢張整張都算滿意，墨色亦做得幾好，真係要試色至得，原本用磨墨，但始終唔夠黑，要喺磨墨裏加墨汁，下次去開“文聯莊”要搵吓日本靚墨汁，耗時差不多四個鐘，腰都酸埋。

剛收到中心電話，老師教學途中頭暈，又係糖尿病發，今次好彩喺學校，上次喺街暈倒仲牙煙，所以話認識呢個老師太遲~~~

2010年9月22日星期三

2010年9月14日星期二

2010年9月10日星期五

又係扇子，嚟緊幾個月生日宴還陸續有來，諗禮物就頭大。呢張扇子構圖係摹擬“文徵明”的扇面，用“羅紋紙”試畫，第一張直接用淡墨起稿，比例完全不行，第二張嘗試用炭條起稿，越畫越有心機，但始終呢張係試作，因為我冇固定扇面的木架，所以試過上次直接喺折曲嘅扇子上畫畫之後就怕，於是當呢張試作畫到一半之時就產生可否直接將作品貼在扇子上嘅念頭，拍板定案，反正失敗又可以再畫過，喺文具店買返幾十年冇用過嘅漿糊，黏貼工夫當然不甚完美，但貼好後至發覺扇子頂端要再黐一條紙條，趁星期二放學後再去書畫用品店買，如此這般又拖延幾日，黐完之後手工差都係咁話，一來冇心機再搞第二張，二來只餘日半又點夠時間呢，奶奶千期唔好介意。

給亞四的，文徵明簡介：
文徵明（1470年－1559年），中國明代畫家，長洲（今江蘇蘇州）人，與唐寅、沈周、仇英合稱為「明四家」；並與唐寅、祝允明、徐禎卿並稱「吳中四才子」。

2010年9月9日星期四

這個星期上堂沒功課交，因為有一點忙，星期日去契媽家又忘了帶墨，變成有筆有紙亦無用武之地，上堂時看到 carmen 畫的黃山，雖然她說只是練習畫山石，但畫得好有氣勢，羡慕不已。

我和 carmen 同時到“康年”學意筆畫，但我的畫只有樹木見得人，石頭始終不夠自然，而 carmen 的山石則畫得非常之好，可能也會跟性格有關吧，我還是習慣一些細眉細眼的，山石仍需努力，非常幸運認識到 carmen，因為有她帶著一起共同研究討論，雖然意筆山水只學了半年，而且老師已經年紀老邁，有時腦筋會轉不過來，表達能力開始不足，但他仍盡力講解，同時有師兄在一旁教導，所以在這半年間也獲益良多。

2010年8月31日星期二

擬清王原祁山水(老師批改前後)

批改前

批改後

少許位置仲要再執，希望成功。

2010年8月30日星期一

噚日去契媽家，佢話唔安樂，心情唔好，當然知啦！近一星期全香港人都唔安樂，我叫佢唔好睇呢類節目，佢話淨係嗰晚都夠，我話已經少咗好多呢類新聞報導，佢又話淨係嗰晚現場直播都夠晒，又係嘅，連東張西望都搞咗成個星期特輯，睇一次喊一次唔掂架喎，好影響情緒架嘛，由第二晚開始我就冇睇，唔好話我冇血性，真係受不了喇！

2010年8月22日星期日

苦茶好苦啊！

2010年8月19日星期四

發燒 tim~

2010年8月18日星期三

給廖太的生日禮物

給 Jacqueline 的扇子，上星期至諗起可以送扇子當生日禮物，但畫啲乜就冇乜概念，買咗至算，回家摷呀摷，只搵到一張“于非闇”的紅葉，圖片裏有一只小鳥，但唔識畫工筆鳥，於是又嘗試畫一只意筆的小鳥，但好肉酸，試畫咗兩張扇子，最後變成了加咗幾只蝴蝶的紅葉，雖然蝴蝶亦畫得不太好，耗時三天。

給 Gloria 的扇子，亦係試畫咗兩張扇子，因為找不到跟松樹有關的詩詞，於是節錄了幾句自己喜歡的“將進酒”，完全是個人喜好，耗時半 day。

李白 - 將進酒

君不見黃河之水天上來，奔流到海不復回。
君不見高堂明鏡悲白髮，朝如青絲暮成雪。
人生得意須盡歡，莫使金樽空對月。
天生我材必有用，千金散盡還復來。
烹羊宰牛且為樂，會須一飲三百杯。
岑夫子，丹丘生，將進酒，杯莫停。
與君歌一曲，請君為我傾耳聽。
鐘鼓饌玉不足貴，但願長醉不願醒。
古來聖賢皆寂寞，唯有飲者留其名。
陳王昔時宴平樂，斗酒十千恣讙謔。
主人何為言少錢，徑須沽取對君酌。
五花馬，千金裘，呼兒將出換美酒，與爾同銷萬古愁。